လက်တွေ့နည်းကျ အောင်မြင်ပျော်ရွှင် ချမ်းမြေ့ စွာ နေထိုင်နည်း ပညာ (၇)

အခန်း(၂)

 

၁။ ပစ္စုပ္ပန်မှာ ပျော်ရွှင်စွာနေပါ (LIVING IN THE NOW)

   

ကျွန်ုပ်တို့၏ စိတ် ငြိမ်းချမ်းသာယာ ပျော်ရွှင်စွာ နေထိုင်နိုင်မှု နှင့် ထိရောက် အောင်မြင်အောင် ဆောင်ရွက်နိုင်မှုတို့သည် ပစ္စုပ္ပန် အချိန်ကာလကို မည်မျှ အသုံးချတတ်သည် ဟူသော အချက်ပေါ်တွင် မူတည် နေပေသည်။

သင် အမှန်တကယ် ပိုင်ဆိုင်သည့် အချိန်မှာ ပစ္စုပ္ပန်အချိန် ကာလပင် ဖြစ်သည်။ မနေ့က ဘာတွေ ဖြစ်ခဲ့ဖြစ်ခဲ့၊ မနက်ဖြန်တွင် ဘာတွေ ဖြစ်လာဖြစ်လာ သင် ယခုပိုင်ဆိုင် လုပ်ကိုင်နိုင်သည်မှာ ပစ္စုပ္ပန်ကာလပင် ဖြစ်သည်။ သင့်အဖို့ ပစ္စုပ္ပန်သည် တကယ် ပိုင်ဆိုင်ရာ ကာလ ဖြစ်သည်။ 

ပျော်ရွှင်မှုနှင့် အောင်မြင်မှုတို့ ဖြစ်ပေါ် ရရှိရန် အဓိက ကျသော အချက်များကို လေ့လာ ရှာဖွေရာဝယ် ကျွန်ုပ်တို့၏ စိတ်ကို "ပစ္စုပ္ပန် ကာလသည်သာ မိမိ အမှန်တကယ် ပိုင်ဆိုင်သည်" ဆိုသည့် အချက် ကို အခြေခံထား စဉ်းစားရမည်။

ကျွန်ုပ်တို့သည် ကလေးများကို ဦးစွာ လေ့လာ ကြည့်ကြ ပါစို့။ ကလေးများသည် ဘာအရာကိုပဲ လုပ်လုပ်၊ ဘာနှင့်ပဲ ကစား ကစား ထိုအချိန် ကာလ၌ လုပ်နေသည့် အရာပေါ်တွင်သာ လုံးဝ ဥဿုံ စိတ်ဝင်စားမှု အပြည့်အ၀ ရှိနေခြင်းကို တွေ့ရှိရပေသည်။ အရုပ်ကလေးများနှင့် ကစားနေသည် ဖြစ်စေ၊ ပုံလေးတစ်ပုံ ဆွဲနေသည်ဖြစ်စေ၊ ကြောင်ကလေး၊ ခွေးကလေးများကို ကြည့်နေသည် ဖြစ်စေ၊ ထိုအချိန်ကာလ၌ (တစ်နည်း) ပစ္စုပ္ပန် ကာလ၌ ပြုလုပ် နေသည့် ကစားခြင်း၊ ပုံဆွဲခြင်း စသည့် အလုပ်တို့၌သာ သူတို့၏ အာရုံကို အပြည့်အ၀ထား စိတ်ဝင်တစား ရှိနေကြပြီး အခြား ဘယ် အရာတွင်မှ အာရုံ မရှိကြပေ။ ဤအရာသည် များစွာ နှစ်လိုဖွယ် ဖြစ်ပြီး ကောင်းမွန်ကာ အတုယူထိုက်လှ ပေသည်။

   

ကျွန်ုပ်တို့သည် အသက်အရွယ် ကြီးလာသည်နှင့် အမျှ တွေးတောစဉ်းစား လာတတ်ကြပြီး ကိစ္စ အ၀၀တို့၌ စိုးရိမ် ပူပန်လာကြ သည်။ အာရုံ များလာကြသည်။

ကျွန်ုပ်တို့သည် တစ်ချိန်တည်းမှာပင် ဖြစ်ပြီးခဲ့သော အတိတ်က ပြဿနာများနှင့် အနာဂတ်တွင် ဖြစ်လာနိုင်သည့် ပြဿနာများကို ခေါင်းထဲတွင် စုပြုံ၍ တစ်ပြိုင်နက် ထည့်ပြီး စဉ်းစား တွေးတော ကြလာတော့သည်။ ဤသို့ဖြင့် မိမိကိုယ်မိမိ စိတ်ဆင်းရဲအောင် ပြုလုပ်နေသလို ဖြစ်နေကြ ပေသည်။ ထိုအခါ ပျော်ရွှင်မှု ကင်းမဲ့လာပြီး မိမိ၏ အစွမ်းအစ များကိုလည်း ထိထိရောက်ရောက် အသုံးမပြုနိုင်ကြတော့ပေ။

 

ကျွန်ုပ်တို့သည် ယခု လက်ရှိ ပစ္စုပ္ပန် ကာလတွင် ပျော်ပျော်ရွှင်ရွှင် စိတ်ငြိမ်းချမ်း သာယာစွာ နေနိုင်သည့် အခြေအနေ ရှိပါလျက်နှင့် မနေကြဘဲ "နောင် အနာဂတ် တွင် ယခုလက်ရှိ အခြေအဆနေထက် ပိုမို ကောင်းမွန် သာယာမည့် အချိန်ကျမှသာ ပျော်ရွှင်စွာ နေနိုင်လိမ့်မည်" ဟု ကျွန်ုပ်တို့ အများစုသည် လွဲမှားစွာ တွေးမြင် ယူဆ ထားလေ့ ရှိကြသည်။

ဤအချက်ကို ပေါ်လွင်အောင် ဥပမာ တစ်ခု ဆောင်လိုပေသည်။ အထက်တန်း ကျောင်းသား တစ်ယောက်သည် "ငါဟာ ဒီကျောင်းက ဆယ်တန်းအောင်ပြီး ကျောင်းစာ အိမ်စာတွေလဲ မလုပ်ရ၊ ဆရာတွေ ချမှတ်တဲ့ စည်းကမ်းတွေလည်း မလုပ်ရတဲ့ အခါကျယင် ဘယ်လောက် လွတ်လပ်ပြီး ပျော်စရာ ကောင်းမလဲ" ဟု တွေးမိလေသည်။ ဆယ်တန်း အောင်ပြီးသော အခါ ဤသို့တစ်ဖန် တွေးပြန်သည်။ "ငါ့အိမ်မှာ မနေရဘဲ အဆောင်မှာနေပြီး ကောလိပ် တက်ရယင် လွတ်လပ်ပြီး ပျော်စရာ တကယ်ကောင်းမှာပဲ" ဟု တွေးပြန်သည်။ ထို့ကြောင့် သူ့ ဆန္ဒအတိုင်း အဆောင်မှာနေပြီး ကောလိပ် စတက် လေသည်။ သို့သော် သူသည် ထင်သလို မပျော်ပေ။ ထိုအခါ ငါသာ ဘွဲ့ရပြီး စာတွေမကျက်ဘဲ နေရယင်တော့ တကယ့်ကို လွတ်လပ်ပြီး ပျော်စရာ ကောင်းမှာဘဲ  ဟု တွေးပြန်သည်။ ဘွဲ့ရပြီးသော အခါ၌မှု အလုပ် တစ်ခုခု ရမှသာ ပျော်စရာ ကောင်းမည်ဟု တွေးပြန်သည်။ အလုပ် ရသော အခါ၌လဲ သူ တကယ် ပျော်ရွှင် ငြိမ်းချမ်းစွာ မနေနိုင်သေးပါ။ မိမိ လက်ရှိ အခြေအနေမှ တက်လမ်းများကို ရှာဖွေ လုပ်ကိုင်ယင်းဖြင့် အလုပ် သံသရာထဲ၌ လည်ပတ်ကာ ပျော်ရွှင်မှုကို မရရှိပါ။ ဤသို့ဖြင့် "မိမိ၏ ငြိမ်းချမ်းသာယာ ပျော်ရွှင်စွာ နေနိုင်မည့် အချိန်သည် နောင်အနာဂတ်တွင် တစ်ချိန်ချိန်၌ ဖြစ်လာပေလိမ့်မည်" ဟု ခံယူ ယင်းဖြင့် နှစ်များ ကြာလာခဲ့သည်။ သို့ဖြင့် သူသည် စေ့စပ်ကြောင်းလမ်း၊ အိမ်ထောင်ကျ၊ နေထိုင်စရာ အိမ်ကိုရှာ၊ ၀င်ငွေကောင်းသည့် အလုပ်တွေရှာပြီး ပြောင်းလုပ်၊ ကလေးတွေမွေး၊ မိသားစုကြီးဖြစ်လာ၊ ကလေးတွေ ကျောင်းထား၊ အိမ်မြေ ပစ္စည်းများ ရအောင် ငွေကြိုးစားရှာဖွေ၊ မိသားစုကြီး တစ်ခုလုံး၏ တာဝန်ကို ထမ်းဆောင်ရ၊ ကလေးတွေကို မူလတန်းမှ တက္ကသိုလ်အထိ ဆက်ထား၊ ဒုက္ခပေါင်းစုံ တွေ့ကြုံရပြီး အသက်ကြီးလာ၊ နောက်ဆုံး အလုပ်မှ ပင်စင်ယူ- စသည်- စသည်ဖြင့် သူ တကယ် ငြိမ်းချမ်းပျော်ရွှင်စွာ နေနိုင်မည့် အချိန်သည် အနာဂတ် တစ်ချိန်ချိန်တွင် ရှိလာလိမ့်မည်ဟု မျှော်လင့်ယင်းဖြင့် ထိုအချိန် မတိုင်မှီ သူ ကွယ်လွန်သွား တော့သည်။ 

သူသည် နောင်အနာဂတ်တွင် ဘယ်တော့မှ လိုအင်ဆန္ဒ အတိုင်း ပြည့်စုံစွာ ဖြစ်မလာနိုင်သည့် အခြေအနေများကို စဉ်းစား တွေးတော မျှော်လင့်ယင်းဖြင့် သူ၏ အဖိုးတန် လှသော ပစ္စုပ္ပန် အချိန် အားလုံးကို ပျော်ရွှင်မှု မရှိဘဲ အလဟဿ  ကုန်ဆုံးစေခဲ့ လေသည်။

သင်ရော အထက်ပါ အဖြစ်မျိုး ဖြစ်နေပါသလား။ မိမိ ကိုယ် မိမိ သုံးသပ်ကြည့်ပါ။

ပစ္စုပ္ပန် အချိန်တွင် မိမိလုပ်သင့် လုပ်ထိုက်သည်များကို လုပ်ပြီး ပျော်ရွှင်ချမ်းမြေ့ စွာ နေထိုင် လုပ်ကိုင်ပါ။ ပြီးခဲ့သော အတိတ်ကာလက အမှားအယွင်း အပြစ်များကို စဉ်းစားတွေးတော  စိတ်မချမ်းသာ ဖြစ်နေ၍ လည်းကောင်း၊ နောင် အနာဂတ်တွင် ဖြစ်ပေါ် လာနိုင်သည့် ပြဿနာများကို တွေးတော ပူပန်နေ၍ လည်းကောင်း ဘာမျှ အကျိုး မရှိ နိုင်ပေ။ ထို့ကြောင့် ထိုကဲ့သို့ အာရုံများပြီး မနေထိုင်ဘဲ  ယခုလက်ရှိ ပိုင်ဆိုင် နေသော ပစ္စုပ္ပန် အချိန်တွင်သာ အကောင်းဆုံး၊ အမှန်ကန်ဆုံးနှင့် အကျိုး အရှိဆုံးသော အလုပ်တို့ကို အားသွန်ခွန်စိုက် ကြိုးစား လုပ်ကိုင်ယင်း စိတ်ချမ်းသာစွာဖြင့် ပျော်ပျော်ရွှင်ရွှင် နေထိုင်သင့်ပေသည်။

ပစ္စုပ္ပန် အချိန်သည် မိမိ ပိုင်ဆိုင်ပြီး ပျော်ရွှင်စွာ နေပါဟု ဆိုရာ၌ မည်သည့် ရည်ရွယ်ချက် ရှိသည့် အလုပ်ကို လုပ်လုပ် နောက်ဆုံး ရရှိလာမည့် ရလဒ်ကို မျှော်မှန်း တွေးတော စိုးရိမ် ပူပန်၍ မနေဘဲ လက်ရှိ အချိန်၌ လုပ်ကိုင်နေမှု အပေါ်တွင်သာအာရုံ စူးစိုက်၍ ပျော်ရွှင်စွာ လုပ်ကိုင်ပါဟု ဆိုလိုရင်း ဖြစ်သည်။ ဥပမာအားဖြင့် သင်သည် အခန်းတစ်ခန်းကို ဆေးသုတ်နေသည် ဆိုပါစို့။ သင်၏ စိတ်ထဲ၌ အခန်းတစ်ခန်းလုံး အချိန်မှီသုတ်လို့ ပြီးပါ့မလား၊ လှလှပပ သပ်သပ်ရပ်ရပ်ကော ဖြစ်ပါ့မလား၊ အချိန်မှီ ခြောက်ပါ့ မလား၊ သုတ်ပြီးသမျှ လှလှပပ ရှိရဲ့ လား စသည်ဖြင့် လုပ်ပြီးသည့် ကိစ္စ၊ နောင်ဖြစ်လာမည့် ကိစ္စတို့ကို တွေးတောပူပန် မနေဘဲ သင် သုတ် နေသော ဆေးစုတ်ချက်တိုင်း၌ စိတ်ကို နှစ်မြုပ်၍ စုတ်ချက်တိုင်း ညီညာ ကောင်းမွန်အောင် ကြိုးစားပြီး ပျော်ရွှင် လွတ်လပ်စွာဖြင့် ဆေးသုတ်ရန်သာ ဖြစ်ပါသည်။ ထိုအခါ စိုးရိမ်စိတ်ကင်း၍ အာရုံ မများဘဲ စုတ်ချက်တိုင်းကို မှန်မှန်ကန်ကန် ညီညီညာညာ ဖြစ်အောင် သုတ်လာနိုင်ပြီး နောက်ဆုံးတွင် လှပ သပ်ရပ်သော ဆေးသုတ်ပြီး အခန်းတစ်ခုကို သင်ရရှိလာပေလိမ့်မည်။

ကျွန်ုပ်တို့သည် တကယ်တမ်း စိတ်ညစ်စရာ၊ ပူပင်သောက ရောက်စရာ၊ စိုးရိမ်ဒုက္ခများနှင့် လက်တွေ့ ကြုံတွေ့ရသော အခါတွင် ထိုပူပင်သောကစိတ်ကို ခေါင်းထဲမှ အလွယ်တကူ ဖျောက်ဖျက် ရန်မှာ မလွယ်ကူပေ။ ဥပမာအားဖြင့် သင်အလုပ်မှ ထုတ်ပစ်ခံရခြင်း၊ စာမေးပွဲ ကျရှုံးခြင်း၊ အိမ်ထောင်ရေး ပြိုကွဲခြင်း အစရှိသည့် ကိစ္စ များနှင့် ကြုံတွေ့လာပါက ထိုပူပင်သောက စိတ်ညစ်စရာများကို ဖျောက်ဖျက်ပစ်ရန်မှာ မလွယ်ကူလှသည်မှာ အမှန်ပင် ဖြစ်သည်။ ထိုအခါ မျိုး၌ သင်သည် တစ်ခုခုကို ထ၍စိတ်ပါဝင်စားစွာ လုပ်ကိုင် လိုက်ပါ။ ဘယ်အရာကိုမဆို ထလုပ်လိုက်ပါ။ မိတ်ဆွေ တစ်ယောက်ထံ ဖုန်းထ ဆက်လိုက်ပါ။ ဒါမှမဟုတ်လျှင် ကလေးများကိုခေါ်၍ ပန်းခြံ တစ်ခုသို့ သွားလိုက်ပါ၊ သို့မဟုတ် ခြံထဲဆင်းပြီး အပင်များကို ရေလောင်းလိုက်ပါ။ ထိုသို့ တစ်ခုခု အပေါ်၌ အာရုံစိုက်ပြီး လုပ်လိုက်မှ သာလျှင် သင်၏ ခေါင်းထဲ၌ ရှိသည့် စိုးရိမ်သောက၊ စိတ်ညစ်စရာများကို ခေါင်းထဲမှ ထုတ်ပစ်နိုင်လ်ိမ့်မည်။

   

အချိန်နာရီ ဆိုသည်မှာ အမှန်တော့ တကယ် ရှိသည် မဟုတ်။ ကျွန်ုပ်တို့ ခေါင်းထဲ၌ တွေးခေါ် ယူဆ မှတ်သား ထားချက် တစ်ခုသာ ဖြစ်သည်။ ပစ္စုပ္ပန် အချိန်သည်သာ သင် တကယ် ပိုင်ဆိုင်သော အချိန်ကာလ ဖြစ်သည်။ ထိုချိန်ကလေး အတွင်းတွင် သင်သည် အကျိုးရှိမည့် ကိစ္စ တစ်ခုခုကို ပျော်ရွှင်ချမ်းမြေ့ စွာဖြင့် အာရုံမများဘဲ ယခုပင် စတင် လုပ်ကိုင်သင့် ပေသည်။