ကလီယိုပါထရာထက် ပိုလှသွားမယ်
ဒီတစ်ပတ်မှာတော့ အလှအပရေးရာ ဘာညာသာရကာ စပ်မိရာလေးတွေကို တင်ဆက် လိုက်ပါတယ် ၊ မျက်နှာမှာလိမ်းဖို့ ဒါမှမဟုတ် မျက်နှာဖုံး (mask) လေးတွေလိုမျိုး လုပ်ပြီး ထိန်းသိမ်းတဲ့နည်းတွေကို နောက်အလျဉ်းသင့်တဲ့ အခါမှာ ဆက်တင်ပေးပါ့မယ်.. မျက်နှာသစ်ဖို့ နည်းလမ်းလေးတွေကို တင်ဆက်လိုက်ပါတယ် ။
၁. ဆန်ဆေးရေနဲ့မျက်နှာသစ်ပါ
သိပ်လွယ်ပြီး မထူးဆန်းတဲ့ ပစ္စည်းမို့ နောက်ပြောင်ပြီး ပြောနေတာလားလို့တောင် ထင်ကောင်း ထင်ပါလိမ့်မယ် ဒါပေမယ့် ဂျပန် ၊ ကိုရီးယား နဲ့ဗီယက်နမ် တို့မှာ ဒီနည်းကို သုံးနေတာ ရာစုနှစ်ပေါင်း များစွာရှိနေပြီလို့ သိရပါတယ် ၊ ဖြူဖွေးနေအောင် ဖွတ်ပြီးသားဆန်ထက် ပိုပြီး အမှေးခွံလေးတွေ ရှိနေတဲ့ ဆန်က ပိုကောင်းပါတယ် ၊ အဲဒီအမှေးခွံလေးတွေမှာ အသားအရေ အတွက်ကောင်းတဲ့ အဟာရဓါတ်တွေ ပိုပြီးပါဝင်နေလို့ပါပဲ ၊ အဲဒီမှာပါတဲ့ Phytic acid ဆိုတဲ့ဓါတ်ဟာ အသားအရေကို ကောင်းစေတဲ့ antioxidant တစ်မျိုးဖြစ်ပါတယ် ။
ဆန်ဆေးရေနဲ့ မျက်နှာသစ်တဲ့အတွက် သီတင်းပတ် အနည်းငယ်အတွင်းမှာပဲ အကျိုးကျေးဇူးတွေ ရနိုင်ပါတယ်၊ အဲဒါတွေကတော့ မျက်နှာမှာ အရေးအကြောင်းတွေ မပေါ်လာဖို့ တားဆီးပေးတယ် ၊ အစက်အပျောက်တွေကို ပျောက်ကင်းစေတယ် ၊ မွှေးညှင်းပေါက်ကလေးတွေရဲ့ အတွင်းပိုင်းအထိ သန့်ရှင်းစေတယ် ၊ အရေပြားပေါ်က အဆီဓါတ် ထုတ်လုပ်မှုကို မှန်ကန်စေတယ် ၊ ချောမွေ့ စိုပြေပြီး ဖြူဖွေးဝင်းပစေပါတယ် ( prevent wrinkles, heal blemishes, deep cleanses the pores, regulates oil secretion, and smoothes and moisturizes the complexion.) ။
ဂျပန်အမျိုးသမီးတွေက အသားအရေ ထိန်းသိမ်းဖို့ ရေချိုးတဲ့အခါ ရေစိမ်ကန်ထဲကို အ၀တ်နဲ့ ထုပ်ထားတဲ့ ဆန်အိပ်သေးသေးလေးတွေ ကြိုတင်ထည့်ထားပြီးမှ အဲဒီရေနဲ့ ရေစိမ်ချိုးကြပါတယ် ၊ ရေချိုးဖို့သုံးတဲ့ ဆန်ထုပ်ကလေးတွေကို အလွယ်တကူ ၀ယ်လို့ ရနိုင်တယ်လို့ သိရပါတယ် ။
ကိုရီးယားမလေးတွေကတော့ ဆန်ဆေးရေနဲ့ မျက်နှာသစ်ကြတယ် ၊ ကျနော် ကိုယ်တိုင်လည်း ကိုရီးယားရုပ်သံ အင်တာဗျူး တချို့မှာ ကြည့်ရပါတယ် ၊ အလှဖန်တီးရှင် တွေကလည်း ဆန်ဆေးရေနဲ့မျက်နှာသစ်တာ ကောင်းတယ်ဆိုတဲ့အကြောင်း ပြောကြတယ် ၊ အခု အနောက်နိုင်ငံတွေမှာ တောင်မှ ကိုရီးယားတွေလိုပဲ ဆန်ဆေးရေနဲ့ မျက်နှာသစ်တာ ခေတ်စားနေတယ် ၊ အံ့သြစရာ ကောင်းတာကတော့ ကျနော်တို့ အာရှ အမျိုးသမီးတွေက အနောက် နိုင်ငံတွေကနေ ထုတ်တဲ့ အလှကုန် ပစ္စည်းတွေကို မက်မက်မောမော သုံးနေကြတဲ့ အချိန်မှာ အနောက်နိုင်ငံသူတွေက အရှေ့တိုင်းရိုးရာ သဘာဝ အသားအရေ ထိန်းသိမ်းနည်းတွေကို ပြန်သုံးနေကြတယ် ။
ကိုရီးယားတွေ ကတော့ ဆန်နဲ့ထမင်းကို နေရာတိုင်းမှာ အလေးထားကြတယ် ၊ နိုင်ငံခြားသားတွေ ထမင်းစားကြတဲ့အခါ စားမကုန်လို့ ပန်းကန်ထဲမှာ ဟင်းတွေကျန်နေရင် ဘာမှမပြောတတ်ပေမယ့် ၊ ထမင်းတွေ ကျန်နေခဲ့ရင် မကြိုက်ကြဘူး ၊ အဲဒီလိုပဲ ဆန်ဆေးရေကိုလည်း ကျိုပြီးသောက်ကြတယ် ၊ ထမင်းက ပေါင်းအိုးတွေနဲ့ပဲ ချက်ကြတော့ ထမင်းရေ မရတော့တာလဲ ဖြစ်နိုင်ပါတယ် ၊ ဆန်ဆေးရေကို ပြန်ကျိုပြီး ထမင်းစေ့နည်းနည်း ထည့်လိုက်တဲ့အခါ ထမင်းရေလို ဖြစ်သွားတယ် ၊ အဲဒါကို အကောင်းထားပြီး သောက်ကြတယ် ။
ကိုရီးယားလူမျိုး လူကြီးတွေက ပြောကြတယ် ၊ တောင်မြောက်ကိုရီးယားစစ်ပွဲကာလ ( ၁၉၅၀ - ၅၃ ) နဲ့ စစ်ပွဲ အပြီးမှာ စားစရာမရှိတဲ့အတွက် စားလို့ရတဲ့ အရွက်တွေမှန်သမျှကို ခူးပြီးပြုတ်စားခဲ့ရတယ် ၊ ထမင်းကို စားချင်ပေမယ့် ဆန်လည်း မရှိခဲ့ဘူး ၊ အဲဒါကို သူတို့ ခုထိအအမှတ်ထင်ထင် ရှိနေကြတုန်းပဲ ၊ အဲဒါကြောင့် ဆန်နဲ့ထမင်းကို သူတို့သိပ်ပြီးတန်ဘိုးထားကြတယ် ၊ အဲဒီတုန်းက မြန်မာနိုင်ငံဟာ ချမ်းသာကြွယ်ဝခဲ့ပုံရတယ် ၊ ကူညီမှုပေးတဲ့အနေနဲ့ ကိုရီးယားကို ဆန်အိပ်တွေ ပေးပို့ ကူညီခဲ့တယ် ၊ လှူခဲ့တယ် ၊ အဲဒါကိုလည်း သူတို့ ခုထိ သတိရနေတုန်းပါပဲ ၊ သယံဇာတရယ်လို့ ဘာမှ မယ်မယ်ရရ မထွက် ၊ စိုက်ပျိုးစရာ မြေဧရိယာ များများစားစား မရှိတဲ့ နိုင်ငံက ခုတော့ ဖွံ့ဖြိုးတိုးတက်နေပါပြီ ၊ ကျနော့်လိုမျိုး ဘွဲ့ရလူငယ်တော်တော် များများကတော့ ဒီကိုလာပြီး အလုပ်သမားလုပ်နေကြရပါပြီ ၊ ကဲ ..ကဲ ကျနော် မဆိုင်တာတွေ ပြောနေမိသလို ဖြစ်နေပြီ ဒီမှာပဲရပ်ပြီး မျက်နှာ အသားအရေ ထိန်းသိမ်းဖို့လေးကို ဆက်ပြောမယ်နော်..
ဗီယက်နမ် မလေးတွေ ဆန်ဆေးရေကိုသုံးပြီး ဘယ်လို အသားအရေ ထိန်းသိမ်းတယ် ဆိုတာ ကျနော်မသိခဲ့ပါဘူး ဒါပေမယ့် youtube မှာ တင်ထားတဲ့ Video လေးကို ကျနော်ကြည့်လိုက်ရပါတယ် ၊ အဲဒါလေးက ကျနော့်ထက်ပိုပြီး ပြောပြနိုင်ပါလိမ့်မယ် ၊ အဲဒီမှာ မစ်ချယ်ဖန်း ဆိုတဲ့ ဗျိုင်းမလေးက ဆန်ဆေးရေကို အမျိုးမျိုး သုံးနိုင်အောင် တင်ဆက်ထားပါတယ် ၊ အောက်မှာ link လေး ပေးလိုက်ပါတယ် ။
http://www.youtube.com/watch?v=ByP2YvqfnnI
ကျနော်တို့ဆီမှာက ဗီယက်နမ် မလေးတွေကို ဗျိုင်းမလေးတွေ လို့ ခေါ်ကြတယ်ဗျ.. ဖြူလို့ရယ် ၊ ဗီယက်နမ်ဆိုတော့ ဗလယ်ချိုင့် အက္ခရာကို သုံးချင်တာကြောင့်ရယ် ဖြစ်မယ်ထင်တယ် ၊ ဖိလစ်ပင်း မလေးတွေကျတော့ ဖားမလေးတွေတဲ့ ၊ မွန်ဂိုမလေးတွေ ကိုကျတော့ မြင်းမလေးတွေ တဲ့ ( မွန်ဂိုတွေက မြင်းတွေမွေးကြလို့) ၊ ဥဇဘက် ကစ္စတန် မလေးတွေကိုတော့ ဘဲဥမလေးတွေတဲ့ ၊ ကိုယ့်မြန်မာကိုယ်ကျတော့ ရွှေမလေးတွေပေါ့ဗျာ ၊ ကိုယ့်အတွက် ကျတော့ အကောင်းကို ရွေးတတ်ကြတယ်ဗျနော ။
ကျနော်ဖတ်ခဲ့ဖူးတဲ့ ဆန်ရဲ့ အစွမ်းသတ္တိလေး အကြောင်းကို မျှဝေချင်ပါသေးတယ် ၊ တစ်ခါက ဆာကေ အရက်ချက်စက်ရုံ တစ်ခုကို ရောက်သွားတဲ့သူ တစ်ယောက်ဟာ အဲဒီစက်ရုံက အလုပ်သမား တစ်ချို့ရဲ့ လက်တွေဟာ အံ့သြလောက်အောင် နုနယ် ပျိုမြစ်နေတာကို သတိပြုမိလိုက်ပါတယ် ၊ အကြီးဆုံး အလုပ်သမားကြီးဟာ ဆိုရင် မျက်နှာပေါ်မှာ ဇရာရဲ့ အရေးအကြောင်းတွေ ကိုတောင် မြင်နေရပါပြီ ဒါပေမယ့် သူ့ရဲ့လက်ကတော့ အသက် ၃၀ အရွယ် လူရွယ် တစ်ယောက်ရဲ့ လက်လိုပဲ နုပျိုပြီး ချောမွေ့နေပါတယ် ၊ ဒါနဲ့ပဲ သူတို့အလုပ်လုပ်တဲ့ နေရာကို လိုက်ပြီးကြည့်တဲ့ အခါ အရက်ချက်တဲ့ အခါမှာ သုံးတဲ့ စိမ်ရေရဖို့ ဆန်တွေကို ရေစိမ်ရတဲ့ နေရာ ဖြစ်နေပါတယ် ၊ သူတို့ရဲ့ လက်တွေဟာ အဲဒီဆန်စိမ်တဲ့ရေတွေနဲ့ အမြဲလိုလို ထိတွေ့နေရတဲ့ အတွက် လက်တွေချည်းပဲ နုပျို ချောမွေ့နေတယ်လို့ ဖြစ်ပါတယ် ။
ဆန်ဆေးရေကို မျက်နှာသစ်ဖို့ ယူမယ်ဆိုရင် ဆန်ကို ပထမဆုံး ဆေးလိုက်တဲ့ရေမှာ ဖုန်တွေ အမှိုက်တွေ ပါနိုင်တာမို့ ဒုတိယ အကြိမ် ဆေးတဲ့ရေလောက်ကို ယူပြီး သုံးသင့်ပါတယ် ၊ လုပ်ရတာလဲ မခက်လို့ မကြာခဏ သုံးကြပါလို့ တိုက်တွန်းလိုပါတယ် ။
၂. ရေနွေးကြမ်းရေနဲ့ မျက်နှာသစ်ပါ
မထူးဆန်တဲ့ နောက်တစ်မျိုးပါ ၊ လုပ်ရတာလည်းလွယ်ပါတယ် ၊ ရေနွေးကြမ်းဟာ အသားအရေ အတွက် ကောင်းတယ်လို့ မကြာခဏ ပြောခဲ့ဖူးတဲ့ အတွက် ကောင်းကြောင်းကိုတော့ ထပ်ပြီး အရောင်မတင် တော့ပါဘူး ၊ လုပ်နည်းလေးကိုပဲ ပြောပါမယ်
ပုံမှန်အတိုင်း သောက်ဖို့ ကျိုထားတဲ့ရေနွးကြမ်းကိုပဲ ယူပြီးလုပ်လို့ ရပါတယ် ၊ အအေးခံလိုက်ပါ ၊ လက်ဖက်ခြောက်ဖတ်တွေကို ဖယ်ထုတ်လိုက်ပါ ၊ မျက်နှာသစ်လို့ရပါပြီ ။
မျက်နှာသစ်လောက်အောင် များတဲ့ ရေနွေးကြမ်းပမာဏကို မသုံးချင်ဘူးဆိုရင် ရေစုပ်တဲ့ အ၀တ်စ သန့်သန့်လေး တစ်ခုကို ယူပြီး ရေနွေးရေမှာ နှစ်လိုက် မျက်နှာမှာ ဆွတ်လိုက် နဲ့ လုပ်ပါ ၊ ရေနွေးရေဟာ အ၀တ်စကို စွန်းနိုင်ပါတယ် ၊ ဒါကြောင့် သန့်သန့်လေးထားချင်တဲ့ အ၀တ်ကို မသုံးမိပါစေနဲ့ ။
၃. နွားနို့နဲ့ မျက်နှာသစ်ပါ
နွားနို့ဟာ အသားအရေအတွက် ကောင်းတယ်ဆိုတာကိုတော့ ကြားဖူးနေကျ ဖြစ်မှာပါ ၊ ကျနော်ကြားဖူးတာ တချို့ကို လက်ဆင့်ကမ်းလိုက်ပါတယ် ၊ ကမ္ဘာပေါ်မှာ အလှနဲ့ပတ်သက်ရင် ကလီယိုပါထရာ (Cleopatra ) ကို သိသူများလှပါတယ် ၊ အလှနဲ့ ပတ်သက်လို့ တင်စားချင်ရင်လည်း သူပါပဲ ၊ ကလီယိုပါထရာရဲ့ အလှလျှို့ဝှက်ချက်ဟာ နွားနို့ ၊ ပျားရည်တို့နဲ့ ရေချိုးပါသတဲ့ ၊ အရင်က နာမည်ကြီး မြန်မာ ရုပ်ရှင်မင်းသား တစ်ယောက်ဟာလည်း နွားနို့နဲ့ ရေချိုးတယ်လို့ တိုးတိုးသတင်းလေး ကြားခဲ့ဖူးတယ် ၊ ဟုတ်တာ မဟုတ်တာတော့ မသိပါဘူး ၊ ပေါက်တတ်ကရ ဗဟုသုတ နောက်တစ်ခု ထပ်ပြောရရင် ကိုရီးယားမှာ နွားနို့နဲ့ရေချိုးပေးတဲ့ နေရာတွေ ရှိတယ်ဗျို့ ၊ ဈေးကတော့ ကြီးမှကြီး ၊ အတွေ့အကြုံ အသစ်အဆန်း လေ့လာလိုသူတွေကတော့ သွားကြတယ် ၊ ဒါပေမယ့် တော်တော်များများကတော့ မရောက်ဖူးကြပါဘူး ကျနော်လည်း မရောက်ဖူးပါဘူး ၊ ၊ သူများပြောတာကိုပဲ နားထောင်လိုက်ရတာပါ ၊ ချိုးပေးတဲ့သူလေးက ဘယ်လိုလေး ၊ ဘယ်လိုချိုးပေးတယ် စသည်ဖြင့်ပေါ့ ။
ဘယ်လိုပဲ ဖြစ်ဖြစ် နွားနို့နဲ့ ကိုယ့်ဖာသာချိုးနိုင်ရင်လည်း ကောင်းတာပါပဲ ၊ တိုင်ကီ ဒါမှမဟုတ် ပုံးကြီး တစ်ပုံးစာလောက် မသုံးလည်း ရပါတယ် ၊ ရေထဲကို နွားနို့ တစ်ပိဿာလောက် လောင်းထည့်ပြီး ချိုးရင်လည်း ရတာပါပဲ ၊ မျက်နှာ အတွက်ပဲ ဆိုရင်တော့ မျက်နှာသစ်ပါ ဒါဆိုနည်းနည်းပဲလိုမယ် ၊ ဒီထက် နည်းနည်းပဲ သုံးချင်တယ်ဆိုရင်တော့ အထက်က ရေနွေးကြမ်းမှာ လုပ်သလိုပဲ အ၀တ်စလေးနဲ့ ဆွတ်..ဆွတ်ပြီး မျက်နှာကို ပွတ်ပေးရမှာပါ ၊ နွားနို့ကို မျက်နှာပေါ်မှာ ခြောက်သွားသည်အထိ ထားပါ ၊ ပြီးမှ ရေနွေးနွေးလေးနဲ့ မျက်နှာကို ပြန်ဆေးပါ ၊ နို့မို့ဆို နွားနို့ရဲ့ အနံ့တွေ ရနေမှာပါ ၊ အိပ်ပျော်သွားရင်လည်း ကြွက်ဖြစ်စေ ပုရွတ်ဆိတ်ဖြစ်စေ လာကိုက်နိုင်ပါတယ် ၊ မအ်ိပ်ခင်မှာ နွားနို့နဲ့ မျက်နှာသစ်ခဲ့ရင် အိပ်ယာက ထတဲ့ အခါမှာ မျက်နှာဟာ လုံးဝ နူးညံ့သန့်စင်နေတယ်လို့ သုံးဖူးသူတွေက ပြောကြပါတယ် ။
နွားနို့ကို သုံးတဲ့အခါ အဆီထုတ်ပြီးသား နွားနို့ထက် အဆီပြည့် သဘာဝ နွားနို့က ပိုကောင်းပါတယ် ၊ ဖြစ်နိုင်ရင် နို့ချဉ်က ပိုလို့တောင် ကောင်းသေးတယ်လို့ ဆိုပါတယ် ၊ ဒီလို တွေ့လို့ပါ (sour milk has a type of carboxylic acid that helps in regenerating your skin cells..helps it heals much faster..) နို့ချဉ်မှာပါတဲ့ ဘာဘိုဆိုင်လစ် အက်ဆစ် တစ်မျိုးက ပျက်စီးသွားတဲ့ အရေပြားဆဲလ်တွေကို ပိုပြီး မြန်မြန် ဆန်ဆန် ကောင်းမွန်စေပါသတဲ့ ၊ ဒါကြောင့်ပါ ၊ မျက်နှာပေါ်မှာ မလိမ်းရဲသေးရင်လည်း လက်ပေါ်ကနေရာ တစ်ခုခုမှာ စမ်းလိမ်းကြည့်ပြီး ကောင်းတယ်ဆိုမှ မျက်နှာမှာ ပွတ်လိမ်းပါ ။
နွားနို့ရဲ့ထူးခြားချက်ကတော့ သောက်ရင် ၀က်ခြံတွေကို ပိုပြီးဖြစ်တတ်ပါသတဲ့ ၊ လိမ်းရင်တော့ ပျောက်ကင်းပါသတဲ့ခင်ဗျာ ၊ သောက်ရင် ၀က်ခြံဖြစ်တတ်တာက နွားနို့မှာ ၊ အထူးသဖြင့် ကိုယ်ဝန်ဆောင် နေရတဲ့ နွားမကြီးကနေ ရတဲ့ နွားနို့မှာ androgen hormone ပါနေတဲ့အတွက် ဖြစ်ပါတယ် ၊ အဲဒီဟော်မုန်းက ၀က်ခြံကိုပွားစေပါတယ် ၊ နွားနို့ကို လိမ်းခြင်း အားဖြင့် မျက်နှာပေါ်က အမာရွတ်တွေကို ဖြည်းဖြည်းချင်း မှိန်ဖျော့စေတယ် ၊ အသားအရေကို သဘာဝအတိုင်း စိုပြေ ၀င်းလက် ချောမွေ့ စေပြီး အရွယ်တင်စေပါတယ် နို့ရောင်သန်းပြီး ဖြူဖွေးတဲ့ အသားအရေ Milky white skin ကို ရရှိနိုင်ပါတယ် ၊ ခင်ဗျားတို့ သိတဲ့အတိုင်းပဲလေ အသားအရေက စက္ကူတစ်ချပ်လို ဖြူရုံပဲ ဖြူနေရင်လည်း ကြည့်မကောင်းဘူး မဟုတ်လား ၊ Milky white , Creamy white လေးကမှ ကြည့်ကောင်းတာ မဟုတ်လား ။
ပြောဖို့ တစ်ခု မေ့ကျန်ခဲ့တယ်ဗျာ နွားနို့ စစ်စစ်ရဖို့ မလွယ်ကူရင် နို့မှုန့်ကို ရေဖျော်ပြီး သုံးရင်လည်း ရပါသတဲ့ ၊ အဲလိုသုံးတဲ့ သူတွေလည်း ရှိပါတယ် ။
၎. မုန်လာထုပ် ( ဂေါ်ဖီထုပ် ) ပြုတ်တဲ့ အရည်နဲ့ မျက်နှာသစ်ပါ
အိမ်မှာ အတို့ အမြှုပ်တွေ စားဖို့ အသီးအရွက်တွေကို ပြုတ်တဲ့အခါ ပြုတ်ပြီးသား အရည်ကို သွန်မပစ်ပါနဲ့ အဲဒီအရည်ကို အအေးခံပြီး မျက်နှာသစ်ရင် အသားအရေကို ကောင်းစေပါတယ် ၊ အထူးသဖြင့်ဂေါ်ဖီထုပ်ပေါ့ သူ့မှာပါတဲ့ sulforaphane ( C6H11NOS2 )ဆိုတဲ့ဓါတ်က အသားအရေ အတွက်ကောင်းတဲ့ antioxidant တွေကို ပွားစေတယ် ။ ဂေါ်ဖီထုပ် နဲ့ ဂေါ်ဖီပွင့် တို့မှာ Sulforaphane က မြင့်မားစွာ ပါနေတယ် ၊ ဒါပေမယ့် တခြားအသီး အရွက်တွေ ဖြစ်တဲ့ ရေကန်ဇွန်းရွက် မုန်လာဥနီတို့မှာလည်း ပါနေပါတယ် ၊ သူက အရည်ကို လိမ်းယုံတင် ကောင်းတာ မဟုတ်ပဲ စားရင်လည်း အသားအရေ ကို ကောင်းစေတာပဲ ၊ ဒါတင်မဟုတ်သေးဘူး ကင်ဆာ နဲ့ ဆီးချို ရောဂါတွေကို လည်း ကာကွယ်ပေးတယ်လို့ ဆိုပါတယ် ။ အဲဒီတော့ စားလည်းစား ၊ အရည်လဲ ညှစ်ပြီးသောက် ၊ ပြုတ်စားရင်လည်း အဲဒီအရည်နဲ့ မျက်နှာသစ်ပါ ။ ကျန်းမာရေးလည်းကောင်း အသားအရေလည်းကောင်း အားလုံးကောင်းသွားပါလိမ့်မယ် ။
၅. အစုံကောင်းတဲ့ မျက်နှာသစ်ရေ လုပ်ကြမယ်
ရေ (၈) ခွက်စာလောက်ကို ကြိုချက်လိုက်ပါ ၊ ပြီးရင် ပျားရည် နှစ်ဇွန်းလောက် ထည့်ပါ ၊ ပြီးရင် သခွားသီး လေးတွေကို အကွင်းလိုက် အ၀ိုင်းလိုက် လှီးပြီး ထည့်ပါ ၊ လက်ဖက်ခြောက် နည်းနည်းပါ ထည့်လိုက်ပါ ၊ လက်ဖက်ခြောက်က အိပ်နဲ့ဆိုရင် နှစ်အိပ်ထည့်ပါ ၊ မျက်နှာက အဆီပြန်တတ်တဲ့ သူဆိုရင် သံပုရာသီး တစ်ခြမ်း ဒါမှမဟုတ် တစ်စိတ်လောက်ကို ညှစ်ပြီး ထည့်လိုက်ပါဦး ၊ ပြီးရင် တစ်ညသိပ်ထားလိုက်ပါ ၊ မနက်ကျရင် အဲဒီ အရေနဲ့ မျက်နှာသစ်ပါ ၊ ပြီးရင် အိမ်ပြင် မထွက်ပါနဲ့ ထွက်ရင်လည်း မျက်နှာကို အုပ်ပြီးမှ ထွက်ပါ ၊ သိပ်လှပြီး သန့်သွားလို့ လူတွေ အများကြီး လိုက်ကြည့်ကြမှာမို့ပါ ။
မျက်နှာသစ်ဖို့က ဒီလောက်ဆို တော်လောက်ပြီလို့ ထင်မိပါတယ် ၊ အထက်မှာ ရေးခဲ့တဲ့ နည်းလေးတွေကို သုံးကြည့်ပြီး အတွေ့အကြုံလေးတွေ ပြန်ရေးပေးကြဖို့ မေတ္တာရပ်ခံပါတယ် ၊ ကောင်းတာချည်းပဲ ရေးရမယ်လို့ မဟုတ်ပါဘူး ၊ ကျနော်က စာထဲမှာ တွေ့တာတွေကို ရေးလိုက်တာဆိုတော့ သုံးကြည့်ပြီးတဲ့သူတွေရဲ့ ပြောစကားဟာလည်း အဖိုးတန်ပါတယ် ဒါကြောင့်ပါ ။
မြန်မာညီမငယ်များ ကလီယိုပါထရာထက် ပိုလှနိုင်ပါစေ…
Source: ဒယ်ဂူးအသံ
