လက်တွေ့နည်းကျ အောင်မြင်ပျော်ရွှင် ချမ်းမြေ့ စွာ နေထိုင်နည်း ပညာ (၄)
၎။ နာကျင်မှု (PAIN)
ကျွန်ုပ်တို့သည် နေ့စဉ်နှင့်အမျှ နာကျင်မှု တစ်ခုခုကိုတော့ အနည်းဆုံး ခံစား နေကြရပေသည်။ နာကျင်မှုဟု ဆိုရာ၌ ရုပ်ပိုင်းဆိုင်ရာနာကျင်မှု (Physical Pain) နှင့် စိတ်ပိုင်းဆိုင်ရာနာကျင်မှု (Emotional Pain) ဟူ၍ နှစ်မျိုး ခွဲခြား နိုင်ပေသည်။
ရုပ်ပိုင်းဆိုင်ရာ နာကျင်မှုကို ကျွန်ုပ်တို့သည် မခံစားလိုကြ သော်လည်း ထိုကဲ့သို့ ခန္ဓာကိုယ် နာကျင်မှုသည် ကျွန်ုပ်တို့ အတွက် မရှိမဖြစ် လိုအပ်လှပေသည်။ အဘယ်ကြောင့်ဆိုသော် ထိုနာကျင်မှုသာ မရှိပါက ကျွန်ုပ်တို့ ခန္ဓာကိုယ်အား ထိခိုက် ပျက်စီး စေနိုင်သော အကြောင်းအချက်များကို ကျွန်ုပ်တို့ ရှောင်လွှဲ နိုင်မည် မဟုတ်ပေ။ ဥပမာဆိုရသော် သင်သည် ရုပ်ပိုင်းဆိုင်ရာ နာကျင်မှုသာ မရှိပါက သင့်လက်အား ဓားဖြင့် လှီးဖြတ်နေသော်လဲ သင်သည် နာကျင်မှု မရှိ၍ ငြိမ်ခံနေပေမည်။ သို့သော် ကျွန်ုပ်တို့တွင် ထိုရုပ်ပိုင်းဆိုင်ရာ နာကျင်မှု ရှိနေသောကြောင့် ဓားနှင့်အသား ထိလိုက်သည်နှင့် တစ်ပြိုင်နက် နာကျင်မှုဝေဒနာကို ခံစားရသောကြောင့် လက်ကို ချက်ချင်း ရုတ်မိပြီး ဆက်လက်၍ မိမိလက်အား ဒဏ်ရာ အနာတရ ဖြစ်စေခြင်းမှ ကာကွယ် ပေးလေသည်။ ထို့ကြောင့် ကျွန်ုပ်တို့သည် ရုပ်နာကျင်မှုကို မခံစားလိုကြသော်လည်း၊ ကျွန်ုပ်တို့အတွက် မရှိမဖြစ် လိုအပ်ပေသည်။
တစ်ဖန်စိတ်ပိုင်းဆိုင်ရာ နာကျင်မှု ဖြစ်သည့် စိုးရိမ်ပူပန် သောကရောက်မှု၊ စိတ်ထိခိုက်မှု၊ စိတ်နာကျည်းမှု စသည်တို့ကိုလည်း ကျွန်ုပ်တို့သည် မခံစားလိုကြဘဲ ပျော်ရွှင်ချမ်းမြေ့ စွာနေလိုကြပေသည်။သို့သော်လည်း ကျွန်ုပ်တို့သည် တစ်ချိန် မဟုတ် တစ်ချိန်၌စိတ်ပိုင်းဆိုင်ရာ နာကျင်မှု တစ်ခုခုကို ခံစားရလေ့ရှိသည်။ ဤအရာကား ရှောင်လွဲ၍ မရနိုင်သော လောက သဘာဝ တစ်ခုပင်ဖြစ်ပြီး ကျွန်ုပ်တို့ ဘ၀၌ ရှိသင့်ရှိထိုက်သော နာကျင်မှု တစ်ခုပင် ဖြစ်ပေသည်။
စိတ်ပိုင်းဆိုင်ရာ နာကျင်မှုများ ရှိမှသာလျှင် ထိုသို့ နောက်ထပ် ဖြစ်ပေါ် မခံစားရအောင် ကျွန်ုပ်တို့သည် စဉ်းစားဆင်ခြင် သတိနှင့် ယှဉ်၍ ပြုပြင်ပြောင်းလဲမှုကို ဆောင်ရွက်ကြ ပေလိမ့်မည်။ သို့မှသာ နောက်တစ်ကြိမ် ထိုသို့သော စိတ်နာကျင်မှုများကို ကျွန်ုပ်တို့ မခံစား ရဘဲ ပျော်ရွှင်ချမ်းမြေ့ စွာ နေနိုင်ကြမည် ဖြစ်သည်။
အချူပ်ဆိုရသော် ရုပ်နာကျင်မှု၊ စိတ်နာကျင်မှု တို့သည် ကျွန်ုပ်တို့ဘ၀တွင် မရှိမဖြစ် လိုအပ်နေမည်ဖြစ်ပြီး ထိုနာကျင်မှုများ ဖြစ်ပေါ်စေသည့် အကြောင်းရင်းကို ချက်ချင်း ရှာဖွေကာ နောက်နောင် ထပ်မခံစားရအောင် မည်သို့ ရှောင်ရှားရမည်ကို တွေးတော ကြံဆ ဆင်ခြင်ပြီး ပြုပြင်ရန်သာ အဓိက ကျပေသည်။ သို့မှသာ ကိုယ်စိတ် နှစ်ပါး ပျော်ရွှင်စွာဖြင့် ကျွန်ုပ်တို့၏ ဘ၀ကို တိုးတက် အောင်မြင်စွာ လျှောက်လှမ်းနိုင်ကြမည် ဖြစ်ပေသည်။
0 comments:
Post a Comment