လက်တွေ့နည်းကျ အောင်မြင်ပျော်ရွှင် ချမ်းမြေ့ စွာ နေထိုင်နည်း ပညာ (၃)

၃။ ကျန်းမာခြင်း(HEALTH)

   "အာရောဂျ ပရမာ လာဘာ "ဆိုသည့်အတိုင်း ကျန်းမာခြင်းသည် လာဘ်ကြီးတစ်ပါး ဖြစ်ပေရာ တိုးတက် အောင်မြင် ပျော်ရွှင်စွာ နေထိုင်ရန် ကျန်းမာရေးသည်လည်း များစွာ အရေး ပါလှပေသည်။

   

ကျန်းမာသည်ဆိုရာ၌ ရုပ်ခန္ဓာ ကျန်းမာခြင်း (Physical Health)နှင့် စိတ်ကျန်းမာခြင်း (Mental Health)ဟူ၍ နှစ်မျိုး ရှိပေသည်။ သင်၏စိတ် ကျန်းမာမှ သာလျှင် ကိုယ်လည်း ကျန်းမာ နိုင်ပေမည်။ စိတ်မကျန်းမာခြင်း(တနည်းအားဖြင့်) စိုးရိမ်သောက ရောက်၍ စိတ်ပျော်ရွှင်ခြင်း မရှိခြင်းကြောင့် ကျွန်ုပ်တို့ ကိုယ်ခန္ဓာတွင် ရောဂါဝေဒနာများ ဖြစ်ပေါ်လာနိုင်ပေသည်။

   

သိပံ္ပနည်းကျ လက်တွေ့ စမ်းသပ်မှုများက အထက်ပါ အချက်များကို မှန်ကန်ကြောင်း ပြသနေပေသည်။ ထိုစမ်းသပ်မှုမှာ-

ရှေးဦးစွာ ပူပင်သောကရောက်၍ စိတ်ပျော်ရွှင်မှု မရှိသူ၊ အလွန်အမင်း ကြောက်ရွံ့ နေသူ၊ ဒေါသ ထွက်နေသူတို့ထံမှ သွေးအနည်းငယ် ထုတ်ယူပြီး ဓာတ်ခွဲခန်း သုတေသန ပြုလုပ်ရာ၌ သုံးသော ပူးကလေးများ(Guinea pigs) ထဲသို့ ထိုသွေး အနည်းငယ်ကို ထိုးသွင်းလိုက်ရာ ထိုပူး ကလေးများသည် သွေးထိုးအပြီး ၂မိနစ် အတွင်း ချက်ချင်း သေဆုံး သွားကြလေသည်။ အဘယ်ကြောင့်ဆိုသော် ထိုသွေးထဲ၌ အလွန် ပြင်းထန်ပြီး သေစေနိုင်လောက်သော အဆိပ်များ ပါရှိနေသောကြောင်း ဖြစ်ကြောင်း တွေ့ရပေသည်။

ဤစမ်းသပ်ချက်ကို လေ့လာ သုံးသပ်ကြည့်ပါက စိတ် မကျန်းမာသူ(တနည်း) ပူပင်သောရောက်၍ စိတ်ပျော်ရွှင်မှု မရှိသူ၊ ကြောက်ရွံ့ နေသူ၊ ဒေါသဖြစ်နေသူ တို့၏ သွေးထဲ၌ ပူးကလေးများကိုပင် ၂ မိနစ် အတွင်း သေစေနိုင်လောက်သော အဆိပ်များ ဖြစ်ပေါ်နေရာ ပူးကလေးများ သေစေနိုင်သလို၊ ထိုသူ၏ ကိုယ်ခန္ဓာ ကျန်းမာရေးကိုလည်း အနည်းနှင့်အများ ထိခိုက် ပျက်စီး စေမည်မှာ အထင်အရှားပင် ဖြစ်သည်။

ထို့ကြောင့် စိတ်ကျန်းမာမှ (တနည်း) စိတ်ပျော်ရွှင်မှု ရှိမှသာ ကိုယ်ခန္ဓာ ကျန်းမာနိုင်ပေမည်။ စိတ်ပူပင်သောက ရောက်ပြီး ပျော်ရွှင်မှု ကင်းမဲ့၍ စိတ်မကျန်းမာ ဖြစ်နေသူ တစ်ယောက်သည် ထိုတစ်ချိန် ထဲ၌ ကိုယ်ခန္ဓာ အပြည့်အ၀ ကျန်းမာနေရန်မှာ လုံးဝ မဖြစ်နိုင်ပေ။ ထို့ကြောင့် ကျန်းမာနေရန် အတွက် စိတ်ကျန်းမာမှု၊ ပျော်ရွှင်မှုသည် အဓိက ကျလျက်ရှိပြီး စိတ်ကျန်းမာမှ ရုပ်ကိုယ်ခန္ဓာ ကျန်းမာလာပြီး ကျန်းမာ ပျော်ရွှင်မှုကို အပြည့်အ၀ ရရှိနိုင်ပေမည်။

စိတ်ဟု ဆိုရာတွင် ရှေ့ ပိုင်း၌ ဖော်ပြခဲ့သော မသိစိတ်ကို ဆိုလိုပေသည်။ စိတ်နှင့်ကိုယ် ကျန်းမာရေး ဆက်သွယ်နေပုံမှာဆန်းကြယ်လှပေသည်။ ကျွန်ုပ်တို့၏ ဦးနှောက် အတွင်းရှိ ဆဲလ်လေးများ အတွင်းရှိ မသိစိတ်က ကျွန်ုပ်တို့အား ကျန်းမာနေစေရန် လည်းကောင်း၊ နာမကျန်း ဖြစ်စေရန် လည်းကောင်း ပြုမှုနိုင်လေသည်။

   

ဥပမာအားဖြင့် ပြရသော် - ကျွန်ုပ်တို့၏ မိတ်ဆွေ၊ ဆွေမျိုး သားချင်းများထဲတွင် "ငါတစ်သက်လုံး တစ်ခါမှ မဖျားဖူးဘူး" ဟုလည်းကောင်း၊ "ငါတစ်ခါမှ ခေါင်းမကိုက်ဖူးဘူး၊ အနှိပ်ခံရ လောက်အောင် မညောင်းဖူးဘူး၊ တစ်ခါမှ နှာမစေး၊ အအေး  မမိဖူးဘူး"စသည် ဖြင့် လည်းကောင်း ပြောတတ်ကြသည်။ တကယ်လည်း ကျန်းမာရေး အမြဲကောင်းနေ တတ်သော အသက် ၇၀၊ ၈၀ အရွယ် ရှိ လူကြီး ၊သူကြီးများကို တွေ့ဖူး၊ မြင်ဖူးကြပေလိမ့်မည်။ သူတို့၏ မသိစိတ်၌ ငါ ကျန်းမာနေတယ်ဟု အမြဲ ယုံကြည် စွဲမြဲနေသဖြင့် အမှန်တကယ်လည်း ကျန်းမာနေကြပြီး အသက်ရှည်နေကြခြင်း ဖြစ်သည်။ ထို့အတူ "ငါကတော့ နှာစေးရင်စေး၊ ဖျားရင်ဖျား၊ ခေါင်းကိုက်ရင်လဲကိုက်နဲ့ အမြဲတမ်း နေကောင်း နေတယ်လို့ မရှိပါဘူး"ဟု ညည်းတွား ပြောဆို နေတတ်သော သူများကိုလည်း သင်တွေ့မြင်ဖူးပေလိမ့်မည်။ ထိုသူတို့ သည်လည်း သူတို့ ညည်းတွား ပြောဆိုနေ သလို အမြဲတမ်း ရောဂါ တစ်ခု မဟုတ် တစ်ခု အမှန်တကယ် ဖြစ်ပေါ်နေတတ် ကြသည်။ အများအားဖြင့် လူအများအား မိမိ အပေါ် ဂရုတစိုက် ရှိနေစေချင်တတ်သော အမျိုးသမီးများ၌ တွေ့ရှိရ ပေသည်။

   

ထို့ကြောင့် သင်ပျော်ရွှင် ကျန်းမာနေစေရန် သင်၏ စိတ်အမြင် ကိုယ့်ရုပ်ပုံလွှာ (Self-image)တွင် "ငါဟာ ကျန်းမာနေသူ တစ်ယောက်"ဟု စွဲမြဲယုံကြည်စွာ ထင်မြင်လာအောင်၊ သင်၏ မသိစိတ် ၌ ထင်မြင်လာအောင် သင့်ကိုယ်သင် အမြဲ ကြိုးစား ပြုပြင်လုပ်ကိုင် လေ့ကျင့်နေရန်သာ လိုပေတော့သည်။