မိန့်ကြားခဲ့သော အမှာစကား
“ပြည်သူချစ်တဲ့ ခေါင်းဆောင် ဒေါ်အောင်ဆန်းစုကြည်အတွက် ဂျပန်နိုင်ငံရောက်စဉ်က ပီနန်ဆရာတော်ဘုရားကြီး၏ မိန့်ကြားချက်”
(၁) လက်ရှိအခြေအနေကို ကောင်းကောင်းနားလည်ဖို့ လိုအပ်တယ်။ လိမ္မာပါးနပ်မှုရှိဖို့ လိုအပ်ပါတယ်။
(၂) လုပ်စရာရှိတာတွေကို စနစ်တကျနဲ့ အစီအစဉ်ဆွဲပြီးလုပ်ပါ၊ ဒါမှအောင်မြင်မှုရမှာ။ ဟိုဘက်ကလူတွေက ဘာကိုပဲ လုပ်လုပ် သေသေချာချာ စနစ်တကျ အစီအစဉ်တကျလုပ်တဲ့အတွက် သူတို့က ဘုန်းကြီးတို့ကို အသာစီးနဲ့ အုပ်ချုပ်နေတာ ဖြစ်တယ်ဆိုတာကို သဘောပေါက်ဖို့ လိုတယ်တဲ့။
(၃) နောက်ပြီးတော့ အောင်ဆန်းစုကြည်က outspoken ဖြစ်တယ်။ တခြားဒီမိုကရေစီနိုင်ငံတွေမှာ ဒါမျိုးပြောလို့ ရှိရင် ဘာမှမဖြစ်ဘူး၊ အားလုံးက နားလည်ကြတယ်၊ နားထောင်ကြတယ်၊ ဘုန်းကြီးတို့နိုင်ငံက ငနဲတွေက ဒါမျိုး မဟုတ်ဘူး၊ ဒီတော့ နည်းနည်းလျှော့ပြီးပြောဖို့ လိုလိမ့်မယ်တဲ့။
(၄) ကိုယ့်ရဲ့အင်အားစုတွေကို organize ကောင်းကောင်းလုပ်ပါ။ ဒါမှ လိုတဲ့အချိန်မှာ စုစုစည်းစည်းနဲ့ လုပ်နိုင် မှာဖြစ်တယ်တဲ့။
(၅) audience ရဲ့အဆင့်ကို နားလည်ပါတဲ့။ ပြည်သူတွေကို ပညာပေးပါတဲ့။ ဘုန်းကြီးတို့ ပြည်သူအများစုက ဒီမိုကရေစီဆိုတာကို ကောင်းကောင်းနားလည်ကြသေးတာ မဟုတ်ဘူး၊ နောက်ပြီး လူတွေကို အသိပညာ အတွေးအခေါ်မြင့်မားလာအောင် လုပ်ပေးဖို့ လိုတယ်။
ဒါမှတိုင်းပြည်တိုးတက်မှာ......
မြန်မာပြည်အတွက် လှုပ်ရှားလုပ်ကိုင်နေတဲ့ သူအားလုံးအတွက်လည်း ဆရာတော်ဘုရားက ထပ်မံ မိန့်ကြားခဲ့တာကတော့
(၁) တယောက်နဲ့ တယောက် ညီညီညွတ်ညွတ် ရှိကြပါ။
(၂) အဖြစ်အပျက် အကြောင်းအရာမှန်သမျှကို analyze လုပ်ပါတဲ့။ ဒါမှ ဘာကိုဆက်လုပ်ရမလဲဆိုတာ နားလည် မှာဖြစ်တယ်တဲ့။ ငွေကြေးတောင့်တင်းအောင်လုပ်ကြပါတဲ့။ အဖွဲ့အစည်းနဲ့ လုပ်ကြပြီဆိုရင် ငွေကြေးကုန်ကျမှုတွေများတာမို့ ထိထိရောက်ရောက် ရှိဖို့ဆိုရင် ငွေကြေးသုံးနိုင်ဖို့ လိုအပ်တယ်။
(၃) ကိုယ့်အား ကိုယ်ကိုးပါတဲ့။ နိုင်ငံခြားအကူအညီဆိုတာ political interest, economic interest တွေပါတယ်ကွ၊ ဘယ်သူမှ ကိုယ့်အကျိုးတခုခု မရှိပဲနဲ့တော့ အကူအညီပေးမှာမဟုတ်ဘူး၊ NGO တွေမှာ ကိုယ်ကျိုး ဆိုတာပါဝင်ကြတာပဲ။ ဥပမာ - နိုင်ငံတကာကြက်ခြေနီအဖွဲ့တို့ UNHCR တို့လည်း သူတို့ အကျိုးစီးပွားပါကြတာပဲ။ ဒါပေမဲ့ သူတို့လို အဖွဲ့တွေကိုလည်း ပစ်ပယ်လို့ မရဘူး။ ဘုန်းကြီးတို့ မလုပ်နိုင်တာတွေကို သူတို့ လုပ်နိုင်တာတွေရှိလို့ပဲ။ ဒီတော့ သူတို့လို အဖွဲ့တွေရဲ့ အကူအညီကတော့ လိုအပ်တာပဲလို့....... မိန့်မှာခဲ့ပါတယ်။
0 comments:
Post a Comment